دواین زانیارییەکان لەسەر ناردنی مووچەی مانگی دوو
وەزیری وزەی ئیسرائیل رایگەیاند، فەرمانی کردووە کارەبای کەرتی غەززە ببڕن، حەماسیش ئیدانەى بڕینى کارەبا و ناردنى هاوکارییەکان بۆ غەززە لەلایەن ئیسرائیلەوە دەکات.
پاش هەڵبژاردنى بە سەرۆکی پارتى دەسەڵاتداری کەنەدا مارک کارنی دەبێتە سەرۆک وەزیرانی نوێی کەنەدا و مانگی ئۆکتۆبەری ئەمساڵیش هەڵبژاردن لە وڵاتەکە ئەنجام دەدرێت.
شاندێکى هەرێم لەسەر مووچەى مانگی دوو لە بەغدان و لەگەڵ وەزیری دارایی عێراق کۆبوونەوە، هەر لە کۆبوونەوەکەدا تەیف سامی بە شاندەکەی وتووە، ئەوەى ئێوە دەیکەن لە رادەستکردنى داهات نە بەپێی یاسای بەڕێوەبردنى داراییە، نە بەپێی بریاری دادگاى فیدراڵییە نە بەپێی رێککەوتنەکانیشە.
راوێژکاری ئاسایشى نیشتیمانى ئەمریکا داواى لە سەرۆک وەزیرانى عێراق کرد لەگەڵ هەرێم کاربکەن بۆ چارەسەرکردنى کێشەکانى هەناردەى نەوتى هەرێم لەوانەش گرفتى کۆمپانیاکانی نەوت.هاوکات پابەندبوونى ئەمریکاشى بە پەیوەندیەکانى لەگەڵ عێراق دووپاتکردەوە.
کەشناسیی عێڕاق رایگەیاند، پێشبینی دەکرێت ئەمڕۆ و سبەینێ نمەباران لە ناوچە جیا جیاکانی هەرێم بەردەوام بێت بە تایبەت ناوچەکانی رۆژهەڵاتی هەرێم و پلەکانی گەرماش کەمێک بەرزدەبنەوە.
نرخی زێڕ لەبازاڕەکانی هەرێم بەراورد بە دوو رۆژی رابردوو نزمبووەوە، نرخی ئۆنسەیەک زێڕ لە بۆرسەی جیهانیدا بە دوو هەزار و ٩٠٧ دۆلار مامەڵەی پێوەدەکرێت، بەراورد بە دوو رۆژی رابردوو نرخەکەی نزیکەی ٥ دۆلار دابەزی.
نرخی نەوت لە بازاڕەکانی جیهاندا بەراورد بە دوێنێ دابەزی، نرخی بەرمیلێک نەوتی خاوی برێنت بە ٦٩ دۆلار و ٨٧ سەنت مامەڵەی پێوە دەکرێت، بەراورد رۆژی رابردوو نرخەکەی نزیکەی ٥٠ سەنت نزمبووەوە.
پسپۆڕێکی بواری خۆراک ئاماژە بەوە دەکات کە شوکولاتەی تۆخ فشاری دەروونی کەمدەکاتەوە و وزەی جەستە زیاد دەکات.
چین رایگەیاند، باجی زیاده به‌سه‌ر كۆمه‌ڵێك به‌رهه‌می كشتوكاڵی ئه‌مریكادا ده‌سه‌پێنێت وه‌ك كاردانه‌وه‌یه‌ك بۆ سه‌پاندنی باجی زیاتر له‌سه‌ر هاورده‌كردنی چین له‌م هه‌فته‌یه‌دا له‌لایه‌ن دۆناڵد تره‌مپ سه‌رۆكی ئه‌مریكاوه.
سەرۆكی ئۆكرانیا رایگەیاند، لە ماوەی هەفتەی رابردوودا روسیا هێرشەكانی بۆ سەر وڵاتەكەی چڕتر كردوەتەوە و لەو ماوەیەدا زیاتر لە دوو هەزار و ١٠٠ هێرشی ئاسمانی بۆ سەر ئۆکرانیا ئەنجامداوە.
پەیامنێری ئێن ئاڕ تی رایگەیاند، کەمێک پێش ئێستا لە شارۆچکەی کۆیە بەهۆی وەرگەڕانی ئۆتۆمبێلێک، کەسێک گیانی لەدەستداوە و چەند کەسێکی دیکەش بە سەختی برینداربوون
شرۆڤەکارێکی سیاسی پشتڕاستیکردەوە، ئەگەری سزاکانی ئەمریکا بۆ سەر عێراق کاریگەری لەسەر وادەی هەڵبژاردنی داهاتووی پەرلەمانی عێراق نابێت.
زانکۆی سلێمانی لە ریزبەندی نێودەوڵەتی (SciMago) پلەی یەکەمی لەسەر ئاستی هەرێم و هەشتەمی عێراق بەدەستهێنا.
بەڕێوەبەرایەتی پۆلیسی پارێزگای هەولێر رایگەیاند، چوار تۆمەتباری بە تۆمەتی تەقەکردن و هەڕەشەکردن و هەڵکوتانە سەر ماڵێک دەستگیر کرد.
وه‌زیری ده‌ره‌وه‌ی ئه‌مریكا رایگەیاند، ئەو کۆمەڵکوژیەی دەرهەق بە پێکهاتەکانی سوریا دەکرێت، پێویستە دەسەڵاتی سوریا لێپرسینەوە لەگەڵ بەرپرسانی ئەو کۆمەڵکوژییە بکات.
پەیامنێری ئێن ئاڕ تی چووەتە شوێنی ئەو گەڕەکانەی کارەبای ٢٤ کاتژمێریان بۆ دانراوە و سەرنجی یاوە لە زۆربەی زۆری ئەو ماڵانە تاریکە و گڵۆپ و رووناککەرەوەیان دانەناوە چونکە بۆ یەک مانگ زیاتر لە ٥٠٠ هەزار دینار کارەبایان بۆ هاتووەتەوە.
وەزارەتی خوێندنی باڵا رایگەیاند، بەهۆی نزیکبوونەوەی پشووەکانی ئازار و نەورۆز و جەژنی رەمەزان، بڕیاری دا بە رێگەپێدان بە قوتابی دەرەوەی وڵات بە مەبەستی گەڕانەوە بۆ هەرێمی کوردستان لە رێکەوتی ١٢ـی ئەم مانگە تا ٥ـی مانگی داهاتوو.
بەڕێوەبەری بەرھەمھێنانی کارەبا رایگەیاند، پرۆژەی رووناکی یەکێکە لە ئاواتەکانی سەرۆکی حکومەتی کاربەڕێکەر و وەزارەتی کارەبا. دەشلێت، پرۆسەکە زۆر بە باشی بەڕێوەدەچێت.
بریکاری وەزارەتی پەروەردەی حکومەتی ھەرێمی کوردستان رایگەیاند، بۆ ئەوەی بۆشایی لە ناوەندەکانی خوێندن دروست نەبێت، ئەو مامۆستایانەی خانەنشین دەبن بەردەوام دەبن لە کاری خۆیان تاوەکو پرۆسەی خوێندنی ئەمساڵ تەواو دەبێت و مووچەشیان بەتەواوی پێدەدرێت.
وەزارەتی بازرگانی عێراق رایگەیاند، "عێراق پشکی ستراتیژیی گەنمی هەیە کە بە سێ ملیۆن و ٧٠٠ هەزار تۆن مەزەندە دەکرێت، کە بەسە بۆ دابینکردنی پێداویستییەکانی وڵات تا ساڵی داهاتوو".
لە شاری شتوتگارد لە ئەڵمانیا بەهۆی رووداوێکی هاتوچۆوە سێ کەس گیانیان لەدەستدا یەکێک لەوانە کوردێکە ناوی ئالان بەکرە خەڵکی سلێمانیە و خاوەنی سێ منداڵە.
شێروان شێروانی کە یەکێکە لە زیندانیانی بادینان ئازادکردنی دواخرا بۆ سبەینێ کە بڕیاربوو ئەمڕۆ ئازادبکرێت بەهۆی تەواو نەبوونی رێکارە یاساییەکانی.
سەرۆکی لیژنەی دارایی لە پەرلەمانی عێراق رایگەیاند، حکومەتی عێراق جدییە لە گەیشتن بە سەربەخۆیی لە بواری وزەدا، هاوکات بەرپرسی کاروباری باڵیۆزی ئەمریکا لە عێراق، ئاماژەی بەوەکرد، هاوردەکردنی غازی سروشتی لە دەرەوەی سیستەمی سزاکاندایە.
پەروەردەی سلێمانی، ساڵنامەی خوێندنی بڵاوکردەوە و دەڵێت، لەو قوتابخانانەی بەپێی ساڵنامەی خوێندن دەوام نەکراوە پۆلە ناکۆتاکان واتە پۆلی چوار بۆ نۆ لەگەڵ پۆلی ١٠ و ١١ لە ١٣ـی چوار بۆ ٢٢ـی چوار تاقیکردنەوەی ٢٠ نمرە ئەنجام دەدرێت.
شاندێکی یونامی لە هەولێر سەردانی ئۆفیسی نەوەی نوێی کرد، لە کۆبوونەوەی شاندەکەی یونامی و نەوەی نوێ دۆخی هاوڵاتیان و مووچەی مانگی دوو تاوتوێ کرا.
قایمقامیەتی قەزای کەلار رایگەیاند، لەناو چەند کافتریایەکی ناو کەلار ٢٠ گەنجیان دەستگیرکردووە بەهۆی ئەوەی چەقۆیان پێبووە.
سەرۆکی پەرلەمانی ئێران رایگەیاند، کارەکانی سەرۆکی ئەمریکا لەگەڵ وڵاتانی دیکە بە روونی ئاماژە بەوەدەكات، بانگەشەکانی سەبارەت بە دانوستان لەگەڵ تاران، تەنها فێڵێکە بۆ داماڵینی چەک. وتیشی، وڵاتەکەی چاوەڕوانی هیچ پەیامێکی ئەمریکا ناکات.
ئیسرائیل و حەماس ئامادەییان دەربڕیوە بۆ واژۆکردنی قۆناغی دووەمی ئاگربەست و بڕیارە سبەینێ شاندێکی ئیسرائیل بگاتە قەتەر بۆ گفتوگۆ کردن لەسەر ئاگربەستەکە.
بەپێی پێشبینیەکانى کەشناسی، لە دوا نیوەڕۆی ئەمڕۆوە باران بارین دەستپێدەکات و هەندێ کاتیش هەورەتریشقەی لەگەڵدا دەبێت.
روانگەی سوری ژمارەی کوژراوانی رووبەڕووبوونەوەکەی ئەو سنورەی کە دەکەوێتە سەر دەریای سپی ناوەڕاست خستەڕوو کە زیاتر لە هەزار کەسی تێپەڕاند.